Farmers Protest : रिहानाच्या ट्विटमुळे भारतात वादळ, क्रिकेटशी आहे नातं

आंतरराष्ट्रीय पॉप स्टार रिहानाने भारतात सुरू असलेल्या शेतकरी आंदोलनावर ट्विट केल्यामुळे मोठा वाद निर्माण झाला आहे.

आंतरराष्ट्रीय पॉप स्टार रिहानाने भारतात सुरू असलेल्या शेतकरी आंदोलनावर ट्विट केल्यामुळे मोठा वाद निर्माण झाला आहे. भारतातल्या शेतकरी आंदोलनाला समर्थन करणारं ट्विट केल्यामुळे भारतातल्या अनेक सेलिब्रिटींनी तिच्यावर टीका केली आहे, यामध्ये भारतीय क्रिकेटपटूंचाही समावेश आहे. पण रिहाना आणि क्रिकेटचं नातं जुनं आहे.

रिहाना आणि कार्लोस ब्रॅथवेट पहिली ते चौथीपर्यंत एकत्र शिकले. कार्लोस आणि रिहाना यांनी बारबाडोसच्या कोम्बरमेरे स्कूलमध्ये शिक्षण घेतलं.

रिहाना वेस्ट इंडिजच्या टेस्ट टीमचा ओपनर क्रेग ब्रॅथवेटसोबतही शिकली आहे. रिहाना आणि क्रेग यांच्यात लहानपणापासूनच खास नातं होतं. शाळेच्या दिवसात या दोघांनी एकमेकांना डेट केल्याचंही बोललं जातं.